أكلات لحرق السعرات

افضل نظام تخسيس فى رمضان

 

طبعا داخلين علي اجمل شهور السنه رمضان 🌙🌙
إزاي نخس في رمضان 🙄🙄

ازاي اخس وانا صايمه

1- أولاً 👆

لازم تعرفوا إن الحرق في رمضان بيكون أكتر من الأيام العادية
بإختصار أثناء الصيام هرمون الأنسولين بيقل فالجسم بيحرق من الدهون كمصدر طاقة له بالاضافه أن الصيام بيخلصك من السموم ال ف الجسم 👏

2-ثانياً ✌️

 

الرياضة

 

المشي 🚶🚶🚶
يعتبر المشي مش بس بيحرق شوية سعرات في الوقت اللي بتتمشي فيه لا ده كمان بيخلي معدل الحرق بتاعك يزيد ل4 أضعاف الطبيعي😳😳
بالنسبة للرياضة في رمضان🌼🤔
أفضل وقت ليها قبل المغرب بساعة بس متعملوش رياضة شاقة يعني ممكن تتمشوا دا مناسب جداً وممكن تنزلوا برنامج
وتمشوا ف البيت عادي لو مش متاح المشي خارج البيت 🚶🚶
في الوقت ده الجسم هيحرق من دهونك من أول لحظة ده غير معدل الحرق بيبقي مرتفع أوي في الوقت ده يعني الرياضة
اللي بتعملوها في الوقت العادي وبتحرق 💯 سعر مثلاً لو عملتها في الوقت ده هتحرق اضعاف مضاعفة👏👏
3-ثالثاً ودي الخلاصه واهم حاجه👌

بالنسبة لنظام الفطور في رمضان

الأذان نشرب كوبايه ميااا ف حراره الغرفه عادي متبقاش ساقعه عشان متعملش صدمه مع درجه حراره بطنك الساخنه🥺
يأذن تاخد ثمرة فاكهة أفضلهم تمرة أو تلاتة بالكتير مع مياة
بعد كدة هتروح تصلي أو تعمل أي حاجة ليه؟؟🤔🤔
الفتره دي مهمه اوووي عشان يكون مستوي السكر في الدم أتظبط فده هيقلل من إحساسك بالجوع فبالتالي هتاكل بكمية أقل وكمان هتكون المعدة استعدت واتهيأت😱😅
بعد ماصليت وسمعت برنامج رامز مريض نفسي😂😂
هتبدأ أكلك بالشوربة وتكون مفيهاش دهون كتير والسلطة
وأي بروتين (بروتين يعني فراخ لحمه سمك بيض …ممكن بقول زي الفول والفصوليا واللوبيا ) والنشويات تكون بكمية معقولة ولو شبعتم يبقي بلاش نشويات خالص💯💯
بعدين تستنوا ساعتين تكونوا خلصتم التراويح ودعتولي😂🙏
ناخد بقي السناك يعني (وجبه خفيفه)
٢ ثمرة فاكهة أو شوكولاتة دارك او قطعة حلويات صغيره ويفضل لو حلويات تكون أقصي حاجة مرتين في الأسبوع ومنكترش 🥺 حاجه من نفسنا يعني😉😉
السحور😋😋
يفضل يكون متأخر علي قد ماتقدروا خده زي وجبة الفطار اللي بتاخدها في يومك العادي وياريت ميبقاش كل يوم في نشويات
(نشويات يعني عيش وارز ومكرونه) في السحور مينفعش ارز ومكرونه اصلا نوفرهم لفطار اليوم التاني😂😂😂 بلاش نتذاكي😂😂
وأخيراً 💪💪💪
لو مشربتيش مياة كويس في رمضان أو عموماً (يعني ف باقي شهور السنه)هيأثر علي الحرق جدا و مش هتخس أشرب كل ساعة كوباية كبيرة من كوبيات العصير 🥛🥛
ع فكره النظام دا مناسب لكل الفئات العمريه ✌️👌👑
وف النهايه كل سنه وكل الامه الاسلاميه بخير وربنا يتقبل صيامنا وصالح أعمالنا 🙏🙏🙏
واستنوني ف بوست العيد عشان نحافظ علي انتصارنا من الكحك والبسكويت😂😂
المصدر  : https://www.facebook.com/groups/HealthKeepers/permalink/4004351183015347/?comment_id=4004371876346611&__cft__[0]=AZWD0f1ypwZktqhdknmp7i3HnpSDdMZPhntAYlhIb0m78GtAYA8ZYaUQN8_W5kDRPEAQXgGODXv96n4e4zjnIMiRM1lr6aA2Q6mXnmCwhd3KNT2MslX2XdL7OzzDtM7OZQ6QgWnJAoTsiV53lOZee9WE2GTwtzIXHgOpavz5pPbty6EbqjCsNrmRmoFPB2uV5vs&__tn__=R]-R

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى